ԵՐԵՎԱՆ, 4 դեկտեմբերի./Նովոստի–Արմենիա/. Հայաստանի Գեղասահքի հավաքականի անդամ Անաստասիա Գալուստյանը դարձել է Բուդապեշտում կայացած Santa Claus Cup միջազգային մրցաշարի ոսկե մեդալակիր։ Այս մասին գեղասահորդուհին գրել է իր Instagram-յան էջում։
«2019թ.–ն ավարտում ենք լավ նոտայով և ինչու 20 տարեկանում առաջին անգամ չհաղթել միջազգային մրցաշարում»,– գրել է գեղասահորդուհին։
Կարճ և ազատ ծրագրերի արդյունքում Գալուստյանը վաստակել է 149.92 միավոր:
Սա Գալուստյանի երրորդ ելույթն էր այս մրցաշրջանում։
Կարճ ծրագրից հետո 20-ամյա գեղասահորդուհին առաջին տեղում էր, իսկ ազատ ծրագրում զբաղեցրել է երկրորդ արդյունքը` պահպանելով առաջատարի դիրքը: Նշենք, որ կանանց մենասահքում հանդես են եկել 13 մարզուհիներ:–0–