Վանաձորում պարեկները փրկել են փողոցում անգիտակից վիճակում ընկած հղի կնոջ ու նրա պտղի կյանքը

ԵՐԵՎԱՆ, 23 հունվարի./Նովոստի–Արմենիա/. «Վանաձոր» բժշկական կենտրոնի բուժանձնակազմի կողմից մի քանի օր բժշկական կենտրոնում բուժումներ ստացած հղի կնոջ կյանքին ու նրա պտղին վտանգ չի սպառնում։

Shamshyan.com–ի հաղորդմամբ, հունվարի 18-ին ՀՀ ներքին գործերի նախարարության Ոստիկանության պարեկային ծառայության Լոռու գումարտակի 1-ին վաշտի 1-ին դասակի պարեկներ Արման Հակոբյանն ու Հովհաննես Մինասյանը Վանաձոր քաղաքի Տիգրան Մեծի փողոցում ծառայություն կատարելիս են լինում, երբ նրանց են մոտենում մի քանի քաղաքացիներ և հայտնում, որ փողոցում անգիտակից վիճակում մի քաղաքացի կա։

Պարեկները, մոտենալով նշված վայր, այնտեղ հայտնաբերում են հղի կնոջ, ում իրենց ավտոմեքենայի մեջ պահվող դեղատուփից անհրաժեշտ բուժօգնություն են ցուցաբերել, ապա իրենց ծառայողական ավտոմեքենայով տեղափոխել «Վանաձոր» բժշկական կենտրոն, որտեղ էլ բժիկները օգնություն են ցուցաբերել կնոջը` մի քանի օր վերցնելով իրենց հսկողության տակ։

Շնորհիվ Լոռու գումարտակի պարեկների ու Վանաձոր» բժշկական կենտրոնի բուժանձնակազմի, հղի կնոջը ու նրա պտղի կյանքին այլևս վտանգ չի սպառնում։–0–