Վարդավառն ու Աստղիկ աստվածուհին՝ Disney–ի մուլտֆիլմում (ՎԻԴԵՈ)

ԵՐԵՎԱՆ, 2 մարտի․/Նովոստի–Արմենիա/․ Disney Junior հեռուստատեսային ցանցը հրապարակել է մի դրվագ Վարդավառի մասին։ «Միկի Մաուսը և Զատիկը» մուլտֆիլմի վերջին մասը նվիրված է հայկական Վարդավառ տոնին:

Այնտեղ ներկայանում է Աստղիկ աստվածուհին։

Սա առաջին դեպքն է, երբ Disney–ն իր ֆիլմարտադրության մեջ անդրադառնում է հայկական մշակույթին:

Ըստ սյուժեի Միկի և Մինի Մաուսը և նրանց ընկերները նշում են հայկական ավանդական Վարդավառ տոնը: Գառնի տաճարի և Կասկադի ֆոնին Աստղիկ աստվածուհին առաջարկում է Մինիին օգնել Վարդավառի համար հարմար հանդերձանք ընտրել և հայերենով Մինիին պատմում է հայկական տարազի մասին։
Աստղիկին ֆիլմում հնչյունավորել է Լիանա Բդևին (նրա մայրը հայ է, իսկ հայրը՝ լիբանանցի)։ Սցենարը գրել է Քեթլին Սարնելլի Կապուկչյանը (նրա ամուսինը հայ է):–0–