Mezzo–ն Արամ Խաչատրյանի 120–ամյակին նվիրված ֆիլմ է նկարահանել․ այն առաջիկայում կցուցադրվի

ԵՐԵՎԱՆ, 16 հունվարի․/Նովոստի–Արմենիա/․ Ֆրանսիական հեղինակավոր Mezzo հեռուստաալիքի հետ Հայաստանի պետական սիմֆոնիկ նվագախմբի համագործակցության արդյունքում մինչև 2024թ․ փետրվարի 1-ը «Mezzo»-ի եթերում ցուցադրվելու են Հայաստանի պետական սիմֆոնիկ նվագախմբի համերգների տեսագրություններ։

Ինչպես նշվում է նվագախմբի Facebook-յան պաշտոնական էջում, ծրագրերում կհնչեն Արամ Խաչատրյանի, Ավետ Տերտերյանի, Էդվարդ Բաղդասարյանի, Առնո Բաբաջանյանի, Ալեքսանդր Հարությունյանի և այլ կոմպոզիտորների ստեղծագործություններ։ 

Կցուցադրվի նաև «Mezzo» հեռուստաալիքի կողմից նկարահանված փաստագրական ֆիլմը՝ նվիրված Արամ Խաչատրյանի 120-ամյակին, որը ևս կարող եք դիտել՝ հետևելով կայքում տեղադրված ժամանակացույցին։–0–