ԵՐԵՎԱՆ, 22 հոկտեմբերի./Նովոստի–Արմենիա/. Երևանի կամավորական ստորաբաժանման կազմավորումը ընթացքի մեջ է, հայտնել է Երևանի քաղաքապետարանի մամուլի քարտուղար Հակոբ Կարապետյանը Facebook–յան իր էջում։
«Ստորաբաժանումը կգլխավորի քաղաքապետ Հայկ Մարությանը», – նշել է նա։
ՀՀ վարչապետ Նիկոլ Փաշինյանը չորեքշաբթի ուղիղ եթերում դիմել է տեղական ինքնակառավարման մարմինների ղեկավարներին` մարզպետերին, քաղաքապետերին ու համայնքների ղեկավարներին` կոչ անելով ձևավորել կամավորական ջոկատներ, դիմել տարածքային զինկոմիսարիատներ, անցնել նախապատրաստում զորամասերից մեկում և մեկնել առաջնագիծ` Հայրենիքը պաշտպանելու համար։
Վարչապետի կոչին է արձագանքել նաև Գյումրու քաղաքապետ Սամվել Բալասանյանը։
«Հետևելով ՀՀ վարչապետի կոչին՝ կամավորագրվում եմ մեր սուրբ հայրենիքի պաշտպանության գործին։ Օրհասական այս պահին կարևոր է բոլորիս համախմբումն ու միասնական պայքարը մեր նորօրյա հաղթանակի կերտման գործում: Իմ գլխավորությամբ ձևավորվող ջոկատին միանալու համար առավոտյան 09։00ից սկսած կարող եք դիմել Գյումրու համայնքապետարան», – նշվում է Բալասանյանի հայտարարության մեջ, որը հրապպարակվել է Գյումրու համայնքապետարանի Facebook–յան էջում։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում