ԵՐԵՎԱՆ, 26 մայիսի./Նովոստի–Արմենիա/. Instagram–ի ակտիվ օգտատերերի թիվը 2020թ.–ի հոկտեմբերին 1,16 միլիարդ էր։ Սոցցանցից օրական ակտիվորեն օգտվում է մոտ 500մլն օգտատեր և ավելի քան մեկ միլիարդ` ամսական։
Այս թվերի շնորհիվ Instagram–ը դարձել է բիզնեսի ամենահայտնի հարթակներից մեկը, որը Հայաստանում ամենաարագն է աճում օգտատերերի թվով։ Չնայած սկզբում հավելվածը ստեղծվել է լուսանկարներ և տեսանյութեր փոխանցելու համար, ժամանակի ընթացքում այն վերածվեց խոշոր բիզնես հարթակի։
Սոցցանցում եկամուտ ստանալու տարբեր ձևեր կան։ Եկամուտ ստանալու ամենատարածված տարբերակը անձնական էջում գովազդային հրապարակումների տեղադրումն է։ Սակայն դա եկամուտ ստանալու միակ ձևը չէ։
«Նովոստի–Արմենիա» գործակալությունը ներկայացնում է Instagram-ում գումար աշխատելու ամենահայտնի միջոցները, որոնք կօգնեն ձեզ համալրել հաջողակ ձեռնարկատերերի շարքերը։
Բրենդավորված կոնտենտ
Բրենդավորված կոնտենտը կամ հովանավորվող հրապարակումները կոնտենտի ձև է, որում նշվում է գործընկերը` հրապարակման համար վճարած ընկերությունը։ Այն նշվում է որպես «հրապարակման հովանավոր»։ Նման հրապարակումներն առանձնանում են ընդհանուր լրահոսում և հասանելիություն են տալիս գովազդատուի (ընկերության, որը պատվիրել է գովազդը) վիճակագրությանը
Բրենդերը, որպես կանոն, համագործակցում են շատ բաժանորդներ ունեցող օգտատերերի հետ։ Նմանատիպ կոնտենտի օգնությամբ ընկերությունները տեղեկատվություն են տարածում իրենց պրոդուկտների և ծառայությունների մասին։ Որպեսզի ձեզ հետ ցանկանան համագործակցել և սկսեն անել համատեղ հրապարակումներ, դուք պետք է ավելացնենք ձեր բաժանորդների թիվը, կանոնավոր կերպով մտածեք օրիգինալ հրապարակումներ, որոնք կհետաքրքրեն լսարանին։ Հենց ձեր ներկայությունն Instagram–ում դառնա նկատելի, տեղական բրենդերը կցանկանան համագործակցել ձեզ հետ։
Վիրտուալ օգնական
Շատ բլոգերներ, որոնք ունեն 50 հազարից ավել բաժանորդ, պետք է օգտվեն օգտահաշիվը կառավարող մենեջերի ծառայություններից։ Եթե դուք նախընտրում եք աշխատել կադրից դուրս, ապա կարող եք դառնալ ազդեցիկ բլոգերի օգնականը։ Instagram–ում հայտնի մարդկանց հաճախ հարկավոր է օգնություն` հովանավորության հայցերը ֆիլտրելու, գովազդի ցուցադրման և այլ հարցերի հետ կապված։
Օգտահաշիվը կառավարող մենեջերը պատասխանատու է բազմաթիվ հարցերի համար, օրինակ` նա կառավարում է անձնական նամակները, պլանավորում հրապարակումները, պատասխանում մեկնաբանություններին։ Բացի այդ, պատվիրատուն կարող է ձեզ խնդրել կիսվել կոնտենտի գաղափարներով անձնական բրենդը զարգացնելու համար։
Այնպես որ, եթե դուք միշտ երազել ենք կիրառել մարքեթինգային հմտությունները Instagram-ում` չլինելով ուշադրւթյան կենտրոնում, ապա սա հիանալի տարբերակ է։
Հրապարակումների գրառումներ
Փոքր բիզնեսի բազմաթիվ սեփականատերեր օգտագործում են Instagram–ը սեփական ապրանքների և ծառայությունների առաջխաղացման համար, սակայն ոչ բոլորն ունեն ռեսուրսներ կամ փորձ, որպեսզի կարողանան գրել լավ հրապարակումներ։ Եթե կարողանում ենք մտածել կրեատիվ հրապարակումներ Instagram–ի համար, ապա կարող ենք վաճառել ձեր ծառայություններն այդ ընկերություններին։ Պարզապես հիշեք, որ նրանք ձեզ գնահատելու են հետաքրքիր ու կարճ տեքստեր գրելու ունակությամբ։
Բիզնեսի սեփականատերերի ուշադրությունը գրավելու համար գրեք և հրապարակեք մի քանի հետաքրքրիր տեքստեր։ Հետո պորտֆոլիոյում ներառեք մեծ հետաքրքրություն վայելող տեքստերը։ Համոզվեք, որ ունեք մի քանի արժանի օրինակներ, որոնք կարող են գրավել բիզնեսի սեփականատերերին։ 10 գրառման միջին արժեքը կարող է տատանվել 100–300 դոլարի սահմանում։
Նյութը պատրաստվել է ԱՄԻ «Նովոստի–Արմենիա»– ի և ՀՀ կենտրոնական բանկի Սպառողների շահերի պաշտպանության և ֆինանսական կրթման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում։–0–
