Մալխաս Ամոյանի խորհրդանշական հաղթանակը. հայ ըմբիշի շնորհիվ թուրք և ադրբեջանցի մարզիկները ոտքի կանգնեցին ՀՀ օրհներգի հնչյունների ներքո (ՎԻԴԵՈ)

ԵՐԵՎԱՆ, 3 ապրիլի./Նովոստի-Արմենիա/. Բուդապեշտում ընթացող հունահռոմեական ոճի ըմբշամարտի Եվրոպայի առաջնությունում հունահռոմեական ոճի ըմբիշ Մալխաս Ամոյանը նախօրեին 4-3 հաշվով հաղթեց թուրք ըմբիշին ու դարձավ Եվրոպայի չեմպիոն:

Խորհրդանշական էր այն փաստը, որ արծաթե մեդալի համար նախատեսված պատվանդանի վրա կանգնած էր թուրք ըմբիշ Յունուս Էմրե Բաշան, իսկ բրոնզե մեդալի պատվանդանի վրա էին ադրբեջանցի մարզիկ Սանան Սուլեյմանովն ու հայ մարզիկ Հայկ Մնացականյանը, որը հանդես էր գալիս Բուլղարիայի դրոշի ներքո, և բոլորի ներկայությամբ հնչեց ՀՀ օրհներգը:

Հիշեցնենք, որ 77 կգ քաշայինների կիսաեզրափակիչում աշխարհի գործող չեմպիոն Ամոյանը 9-0 հաշվով ժամանակից շուտ փայլուն հաղթանակ էր տարել Շվեդիայի ներկայացուցիչ Պեր Օլբին Օլոֆսոնի նկատմամբ:

Տեսանյութը կարող եք դիտել հետևյալ հղմամբ;-0-