16–ամյա շախմատիստ Մամիկոն Ղարիբյանը դարձել է Կրագերո Ռեզորթ միջազգային մրցաշարի միանձնյա հաղթող

ԵՐԵՎԱՆ, 24 փետրվարի./Նովոստի–Արմենիա/. Նորվեգիայում ավարտվեց Կրագերո Ռեզորթ միջազգային մրցաշարը, որին մասնակցում էին 94 շախմատիստ, այդ թվում՝ 9 գրոսմայստեր։

Մրցաշարում առաջին դասակարգված շախմատիստն էր Մագնուս Կարլսենի մարտավկա Յոն Լյուդվիգ Համմերը, հաղորդում է Հայաստանի շախմատի ֆեդերացիան։

Կրագերո Ռեզորթ մրցաշարում հիանալի հանդես եկավ 16-ամյա պատանի շախմատիստ Մամիկոն Ղարիբյանը։ Ղարիբյանը 1-6-րդ տուրերում տոնեց 6 հաղթանակ և, մրցաշարի վերջնամասում խաղալով 3 ոչ-ոքի դարձավ մրցաշարի միանձնյա հաղթող։ Ղարիբյանը լրացրեց նաև գրոսմայստերի նորմա, ինչպես նաև 28 կետով բարելավեց անհատական վարկանիշը։


Կրագերոյի մրցաշարի հաջողությունը երկրորդն է Ղարիբյանի համար այս տարում։
Հունվարին Ղարիբյանը հաջող էր հանդես եկել նաև Հայաստանի տղամարդկանց առաջնության բարձրագույն խմբում։

Կրագերոյի մրցաշարում հաջող հանդես եկան նաև Հայաստանի մյուս ներկայացուցիչները, ովքեր զգալիորեն բարելավեցին իրենց անհատական վարկանիշները։

Եզրափակիչ աղյուսակին կարող եք ծանոթանալ հետևյալ հղմամբ։–0–