ԵՐԵՎԱՆ, 5 դեկտեմբերի․/Նովոստի–Արմենիա/․ RTVI-ի հատուկ թղթակից Ալեքսեյ Սոչնևը պարզել է, որ ուկրաինացի ռազմական թղթակից Ռոման Բոչկալան պատահաբար բացահայտել է այն երկիրը, որտեղ Ուկրաինան կազմակերպել է արկերի արտադրություն, պարզվել է, որ դա Ադրբեջանն է։
RTVI–ի Տելգրամ–ալիքը հայտնում է, որ Բոչկալան իր Տելեգրամ ալիքում հայտնել է, որ Ուկրաինան սկսել է D-30 հաուբիցի համար 122 մմ տրամաչափի արկերի սեփական արտադրությունը։ Ռազմական թղթակիցը ֆոտոռեպորտաժ է հրապարակել արտադրական գործարան կատարած իր այցի մասին՝ պարզաբանելով, որ արտադրությունը կազմակերպվել է «գործընկեր երկրներից» մեկում։
Արհեստանոցի լուսանկարներից մեկում, որտեղ Բոչկալան դրոշ է պահում, նրանից ձախ և աջ երկու սյուների վրա տեղադրված են տեղեկատվական թերթեր՝ Palladium ադրբեջանական ընկերությունների խմբի խորհրդանիշերով։ Ընկերության գործընկերների էջում նշված է «Ուկրոբորոնպրոմ»:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
