Մոսկվայում խոշոր հրդեհ է բռնկվել «Մեգա Խիմկի» առևտրի կենտրոնում. ի՞նչ է հայտնի այս ժամի դրությամբ (ՎԻԴԵՈ)

12:45

09 Դեկտեմբերի 2022

ԵՐԵՎԱՆ, 9 դեկտեմբերի./Նովոստի-Արմենիա/. Խոշոր հրդեհ է բռնկվել OBI հիպերմարկետում, որը գտնվում է Մոսկվայի «Մեգա Խիմկի» առևտրի կենտրոնում։
ՏԱՍՍ-ը հավաքել է հիմնական տեղեկատվությունը միջադեպի մասին ։

Ի՞նչ է տեղի ունեցել

Մեգա Խիմկի» առևտրի կենտրոնում հրդեհը բռնկվել է վաղ առավոտյան: Հրդեհի սկզբնական մակերեսը կազմել է 250 քառ. մ, հետագայում այն ավելացել է մինչև 7 հազար քառ. մ, ապա՝ մինչև 18 հազար քառ. մ.:
Վերջին տվյալներով՝ հրդեհը մեկուսացվել է 7 հազար քառ. մ տարածքում։
Այրվող հիպերմարկետում պայթյուն է տեղի ունեցել, որից հետո, ըստ արտակարգ իրավիճակների ծառայության, սկսվել է կառույցների փլուզում։ Ենթադրվում է, որ հրդեհի ժամանակ գազի բալոններ են պայթել։
Հիպերմարկետը գրեթե ամբողջությամբ ավերված է:
Հրդեհը չի տարածվել «Մեգա Խիմկի» առևտրի կենտրոնի մնացած մասի վրա։
Ավելի քան 70 մարդ և 20 միավոր տեխնիկա ներգրավված է մարման աշխատանքներում, նախատեսվում է ներգրավել ավիացիա։ Հրդեհաշիջումը բարդանում է շենքի կոնստրուկցիայի և այրման մեծ ծանրաբեռնվածության պատճառով:
Հրդեհի հիմնական վարկածը կարճ միացումն է։ Արտակարգ իրավիճակների ծառայության հաղորդմամբ՝ հրդեհի պատճառ են դարձել խախտումները, որոնք թույլ են տրվել շենքի ընդարձակման նպատակով իրականացվող եռակցման աշխատանքների ժամանակ։ Աշխատողները դուրս են եկել շենքից՝ չկարողանալով մարել կրակը։

Զոհեր

Այս պահին հայտնի է մեկ զոհի մասին:

Հետևանքներ

Հրդեհի տարածքում երթևեկությունը չի խոչընդոտվում։
Այրվող հիպերմարկետի մոտ օդի նմուշառումներ են վերցվել, որոնք կուղարկվեն լաբորատորիա, հայտնում է Ռոսպոտրեբնադզորի Մոսկվայի մարզի վարչությունը։ Մերձմոսկովյան էկոլոգիայի և բնապահպանության նախարարության տվյալներով՝ առևտրի կենտրոնի մոտ օդում աղտոտիչների առավելագույն թույլատրելի նորմայի գերազանցում չի գրանցվել։
Մերձմոսկվայի մարզի դատախազությունը հետաքննություն է սկսել հրդեհի փաստով, դեպքի վայր է մեկնել Խիմկիի դատախազ Դենիս Անդրեևը։
«Մեգա Խիմկի» առևտրի կենտրոնը փակ կլինի դեկտեմբերի 9-ին։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Ռուսաստան #Մոսկվա #«Մեգա Խիմկի» #հրդեհ

Թեմատիկ նյութեր