Հայ դպրոցականները երկու մեդալ են նվաճել քիմիայի միջազգային օլիմպիադայում

ԵՐԵՎԱՆ, 2 մայիսի. /Նովոստի-Արմենիա/. Ռուսաստանի դաշնության Սանկտ Պետերբուրգ քաղաքում տեղի է ունեցել Քիմիայի միջազգային Մենդելեևյան օլիմպիադան, որին մասնակցել են  33 երկրների դպրոցականների թիմեր:

Ինչպես հայտնում է ՀՀ կրթության և գիտության նախարարության մամուլի ծառայությունը, Հայաստանի օլիմպիական թիմը ներկայացնող Երևանի «Հերացի»  ավագ դպրոցի 12-րդ դասարանի աշակերտ Մովսես Աղեկյանը նվաճել է արծաթե, իսկ նույն դպրոցի  12-րդ դասարանի աշակերտ Հովհաննես Մաթևոսյանը ՝ բրոնզե մեդալ:-0-