Բժիշկները բիոսոսնձով սոսնձել են սիրտը, և այն շարունակել է զարկել (ՎԻԴԵՈ)
16:51
19 Մայիսի 2019
ԵՐԵՎԱՆ, 19 մայիսի./Նովոստի–Արմենիա/. Չինացի գիտնականները մշակել են նոր բիոսոսինձ, որն, իրենց կարծիքով, կօգնի անվերահսկելի արյունահոսության դեպքում։
Բիոսոսինձը պետք է քսել բաց վերքի վրա, այնուհետև ակտիվացնել ուլտրամանուշակագույն ճառագայթման աղբյուրի օգնությամբ։ Սոսինձն արագորեն վերածվում է ոչ թունավոր հիդրոգելի, այն բավականաչափ պլաստիկ է և չի խանգարում էլաստիկ հյուսվածքի կրճատմանը, գրում է med.vesti.ru–ն։
Գիտնականները սոսինձը դեռ չեն փորձարկել մարդկանց վրա, սակայն այն թեստավորել են օրգանների վրա լաբորատոր պայմաններում։ Սոսինձը հաջողությամբ ծածկում է վնասված հատվածները, իսկ այդ ամենի համար պահանջվում է առնվազն 1 րոպե։
Загружается новость ... "Лево"
Գիտնականները սկզբում սոսինձն օգտագործել են լյարդի վնասվածքների դեպքում, հետո ստուգել են, թե ինչպես է այն գործում սրտում առկա 6 մմ անցքի դեպքում։ Անցքը շատ արագ` ընդամենը 20 վայրկյանում, հաջողվել է փակել, իսկ միջամտությունից հետո չի մնացել ոչ մի կար։
Գիտնականները մի քանի վիրահատություն են կատարել ճագարների և խոզերի վրա։ Բոլոր դեպքում բիոսոսինձը գործել է հիանալի։ Ամենալուրջ փորձությունը եղել է սրտի վիրահատության ժամանակ, կարկատանը չի խանգարել և սիրտը շարունակել է զարկել, իսկ երկու շաբաթ անց խոզերի մոտ որևէ խախտում կամ բորբոքային պրոցես չի գրանցվել։
Գիտնականները կարծում են, որ սոսնձի օգտագործումը վիրաբուժական պրակտիկայում հնարավոր է 3–5 տարում։–0–
Վարչապետ Նիկոլ Փաշինյանն այսօր Գիտությունների ազգային ակադեմիայում մասնակցել է Վիկտոր Համբարձումյանի անվան միջազգային գիտական մրցանակի հանձնման արարողությանը:
