ԵՐԵՎԱՆ, 17 օգոստոսի./Նովոստի-Արմենիա/. Վայրի բնության և մշակութային արժեքների պահպանման հիմնադրամի (FPWC) նախաձեռնությամբ սկսվել են Վայոց Ձորի մարզում գտնվող «Արջերի» քարանձավի հետախուզական հնագիտական պեղումները։ Այս մասին հայտնում է Վայրի բնության և մշակութային արժեքների պահպանման հիմնադրամի (FPWC) մամուլի ծառայությունը:
Загружается новость ... "Лево"
Աշխատանքներն իրականացվում են Եղեգնաձորի երկրագիտական թանգարանի արշավախմբի հետ համատեղ։
![пещера медведей1.jpg пещера медведей1.jpg](/upload/medialibrary/be6/be66fd8836ad810fa51aeed2db10b0ca.jpg)
«Մասնագիտական արշավախմբի պեղումների արդյունքում փաստագրվել են տարբեր ժամանակաշրջաններին վերաբերող խեցեղեն, քարե գործիքներ, իսկ վերգետնյա նյութի նախնական ուսումնասիրությունը ցույց է տվել նեոլիթ-էնէոլիթյան ժամանակշրջանի խեցեղենի առկայություն»,- նշվում է հաղորդագրության մեջ:
![пещера медведей2.jpg пещера медведей2.jpg](/upload/medialibrary/fb7/fb7e5a7d781c99eb877b1b8ca906eca0.jpg)
Ուշագրավ է, որ փաստագրվել է նաև, որ քարանձավը օգտագործվել է շատ ավելի վաղ ժամանակներից (250000-35000 տարի), ինչի մասին են վկայում նաև գտնված մի քանի միջին հին քարեդարյան գործիքները։
«Աշխատանքների ընթացքում փաստագրվել է նաև մեծ քանակությամբ կենդանական ոսկորների մնացորդներ, բավական շատ մոխրաշերտ»,- նշում են հիմնադրամից:
Նշվում է, որ ուսումնասիրությունները շարունակվում են: -0-