ԵՐԵՎԱՆ, 25 մարտի. /Նովոստի–Արմենիա/. Մեծի Տանն Կիլիկիո Ն.Ս.Օ.Տ.Տ. Արամ Ա Կաթողիկոսը Հալեպում առաջիկա շաբաթ օրը կվերաօծի Սրբոց Քառասնից Մանկանց մայր եկեղեցին (Քառասուն նահատակների տաճարը)։
Այս մասին նա հայտարարել է Անթիլիասի Մայր տաճարում, նշվում է Կիլիկիո կաթողիկոսարանի ֆեյսբուքյան էջում։
Загружается новость ... "Лево"
Եկեղեցին պայթեցվել էր «Իսլամական պետություն» ահաբեկչական խմբավորման կողմից 2015 թվականի ապրիլին։
Կաթողիկոսը նշել է, որ վերջին յոթ տարիներին Սիրիան գտնվում էր տագանապի մեջ, բայց այսօր, նրա խոսքով, սիրիահայությունը սկսել է իր հավաքական վերականգնման ընթացքը։
Քառասուն նահատակների տաճարը գտնվում է Հալեպի քրիստոնեական Ջդեյդե թաղամասում: Տաճարը կառուցվել է 15-րդ դարում։ 1616թ. -ին Քառասուն նահատակների Մայր տաճարը գրեթե ամբողջությամբ վերականգնվել է և ընդարձակվել: Մեծ հետաքրքրություն է ներկայացնում հատկապես 1912թ. -ին կառուցված տաճարի զանգակատունը, որը Հալեպում բարոկկո ճարտարապետության եզակի օրինակներից մեկն է: -0-
