Թույլատրելի տնտեսական գործունեության ցուցակը կարող է ընդլայնվել․ էկոնոմիկայի նախարարի տեղակալ (ՎԻԴԵՈ)

ԵՐԵՎԱՆ, 6 ապրիլի․ /Նովոստի-Արմենիա/․ Հայաստանում կորոնավիրուսի պայմաններում թույլատրելի տնտեսկան գործունեության ցուցակը կընդլայնվի, երկուշաբթի լրագրողներին ասաց էկոնոմիկայի նախարարի տեղակալ Վարող Սիմոնյանը։

Նա նշեց, որ ցուցակը պարբերաբար վերանայվում է (ավելացվում է կամ հանվում)՝ կախված իրավիճակից։ Առաջին հերթին դա պայմանավորված է հիվանդության տարածման շղթայի սահմանափակմամբ և միաժամանակ կապված է մարդկանց տեղաշարժի հետ կապված գործող կանոններին։ Թույլատրված են գործունեության այն տեսակները, որոնք անհրածեշտ են այս պահի դրությամբ։

«Շուտով, հնարավոր է, լինեն որոշակի բացառություններ, քանի որ պարետի որոշմամբ նշված է, թե ինչ դեպքերում է հնարավոր գրավոր թույտվություն՝ ցանկում չընդգրկված կոնկրետ գործունեության տեսակը թույլատրելու վերաբերյալ»,- ասաց Սիմոնյանը Միասնական տեղեկատվական կենտրոնում տեղի ունեցած մամուլի ասուլիսի ժամանակ։

Նա նաև նշեց, որ Էկոնոմիկայի նախարարությունը ահազանգեր է ստանում այն մասին, որ ոմանք զբաղվում են արգելված գործունեությամբ։ Ոստիկանությունը շատ արագ ստուգում է և անցկացնում անհրաժեշտ միջոցառումներ։


Ինչ վերաբերում է առցանց վաճառքին, ինչը՝ պարետի որոշմամբ, թուլատրվում է, ապա՝ նախարարի տեղակալի խոսքով, գնումների և վաճառքի իրականացման համար (այդ թվում նաև Երևանից դուրս) պետք է լրացվի ազատ տեղաշարժման համար անհրաժեշտ ձևաթուղթ՝ ստորագրությամբ և կնիքով։ Եթե այնուամենայնիվ, խնդիրներ առաջանան, ապա նրանք կարող են զանգահարել նախարարության «Թեժ գիծ»։

Սիմոնյանը նաև նշեց, որ եթե ընկերություններին չի հաջողվել արտահանել իր ապրանքը կամ վաճառել ներքին շուկայում, ապա նրանք միշտ կարող են դիմել կառավարության նախատեսած ծրագրերին։

Փոխնախարարը հիշեցրեց նաև ՀԴՄ կտրոններ չտրամադրելու պատասխանատվության մասին՝ շեշտելով, որ նման պահվածքն անընդունելի է, օրենսդրությունը շարունակում է աշխատել, և իշխանությունները ավելի խիստ կլինեն նման երևույթների վերաբերյալ:

Նա նաև անդրադարձավ առաջին անհրաժեշտության ապրանքների գների բարձրացման խնդրին՝ շեշտելով, որ իրավիճակը վերահսկվում է, և ՏՄՊՊՀ-ի իրենց գործընկերները իրականացնում են շուկայի ամենօրյա մոնիտորինգ:

«Հնարավոր են գների որոշ բարձրացումներ, բայց կառավարությունն իրականացնում է տարբեր այլընտրանքային միջոցառումներ, որոնք հնարավորության դեպքում կկանխեն գների բարձրացումը հիմնական ապրանքների համար», - ասաց Սիմոնյանը»
Ապրիլի 6-ի դրությամբ՝ Հայաստանում գրանցվել է կորոնավիրուսով վարակման 833 դեպք։ Առողջացել է 62 պացիենտ, ութը, ցավոք, մահացել։-0-